07 جنوری ، 2022 
پاکستان
شیرشاہ پراچہ چوک کے قریب نالے میں ایک اور دھماکہ
07 جنوری ، 2022
کراچی کے علاقے شیر شاہ میں پراچہ چوک کے قریب گزشتہ ماہ ہونے والے دھماکے کے مقام کے قریب ہی نالے میں ایک اور دھماکہ ہوا ہے تاہم کسی جانی نقصان کی اطلاع نہیں ملی۔
شیرشاہ پولیس کے مطابق گزشتہ ماہ دھماکے میں تباہ ہونے والے نجی بینک کی عمارت کے سامنے شیرشاہ کے رہائشی علاقے میں البلال ہوٹل کے ساتھ ہی منہدم کی گئی دکانوں کے پاس موجود نالے میں زوردار دھماکے کی آواز سنی گئی۔
شیرشاہ پولیس فوری طور پر موقع پر پہنچی اور ریسکیو ادارے بھی پہنچے تاہم خوش قسمتی سے کسی جانی نقصان کی اطلاع نہیں ملی۔
پولیس کے مطابق ممکنہ طور پر دھماکا نالے میں گیس بھر جانے کی وجہ سے ہوا تاہم حتمی رپورٹ کے لیے بم ڈسپوزل اسکواڈ کو طلب کر لیا گیا ہے۔
مزید خبریں :
روزے کی حالت میں تھوک اور خون کو نگلنا
4 گھنٹے پہلے
اس رمضان کشمیری پکوڑوں سے لطف اٹھائیں
4 گھنٹے پہلے
کرک میں سوئی گیس آفس اور تھانوں پر حملے، 2 اہلکار شہید
11 گھنٹے پہلے
