کرائسٹ چرچ ٹیسٹ میں نیوزی لینڈ کامیاب، سیریز ایک ایک سے برابر

کرائسٹ چرچ: نیوزی لینڈ نے دوسرے ٹیسٹ میں  بنگال ٹائیگرز کو117 رنز سے شکست دے دی۔

فالوآن کا شکاربنگلادیش کی ٹیم دوسری اننگز میں278 رنز بنا کر آؤٹ ہوگئی، مہمان ٹیم کی جانب سے  لٹن داس 102 اور کپتان مومن الحق 37 رنز کے ساتھ نمایاں رہے۔

نیوزی لینڈ کی طرف سے کیل جیمیسن نے 4 اور نیل ویگنر نے 3 کھلاڑیوں کو آؤٹ کیا جب کہ کیویز نے اپنی پہلی اننگز میں 6 کھلاڑیوں کے نقصان پر 521 رنز اسکور کیے۔

بنگلا دیش نے نیوزی لینڈ کیخلاف ٹیسٹ میں پہلی فتح حاصل کرکے تاریخ رقم کردی

10 سال بعدکسی ایشین ٹیم نے نیوزی لینڈ میں کوئی ٹیسٹ جیتا ہے۔

بنگلادیش کی ٹیم پہلی اننگز میں 126 اور دوسری اننگز میں 278رنز بناکر آؤٹ ہوگئی جس کے بعد کیویز نے باآسانی میچ میں فتح حاصل کرلی، اس طرح دونوں ٹیموں کے درمیان سیریز ایک ایک کی برابری پر ختم ہوئی۔

کامیاب ترین بیٹر روس ٹیلر کے کیرئیر کا اختتام

روس ٹیلر نے انٹرنیشنل کرکٹ سے ریٹائرمنٹ کا اعلان کردیا

بنگلادیش کے خلاف 2 ٹیسٹ میچز جبکہ آسٹریلیا اور نیدرلینڈز کے خلاف ون ڈے سیریز ان کی آخری انٹرنیشنل سیریز ہوں گی۔

علاوہ ازیں نیوزی لینڈ کے کامیاب ترین بیٹر روس ٹیلر نے بنگلادیش کے خلاف اپنا آخری انٹرنیشنل میچ کھیلا، انہوں نے  گزشتہ برس دسمبر میں اعلان کیا تھا کہ وہ  موجودہ سیزن کے بعد انٹرنیشنل کرکٹ سے ریٹائر ہوجائیں گے۔

واضح رہےکہ پہلے ٹیسٹ میچ میں بنگلادیش نے شاندار کھیل کا مظاہرہ کرتے ہوئے 8 وکٹوں سے نیوزی لینڈ کے خلاف ٹیسٹ میں پہلی کامیابی حاصل کی تھی۔

اس کے علاوہ 10 سال بعد پہلی مرتبہ کسی ایشین ٹیم نے نیوزی لینڈ میں کوئی ٹیسٹ جیتا تھا، اس سے قبل پاکستان نے جنوری 2011 میں ہملٹن ٹیسٹ جیتا تھا۔