واٹس ایپ نے وائس میسجز سے متعلق صارفین کا بڑا مسئلہ حل کردیا

واٹس ایپ بیٹا انفو کی رپورٹ کے مطابق کمپنی نے گلوبل وائس میسج پلیئر کا فیچر متعارف کروادیا ہے__فوٹو فائل
واٹس ایپ بیٹا انفو کی رپورٹ کے مطابق کمپنی نے 'گلوبل وائس میسج پلیئر' کا فیچر متعارف کروادیا ہے__فوٹو فائل

اکثر واٹس ایپ صارفین  طویل دورانیے کے وائس میسجز سے پریشان رہتے ہیں لیکن اب ان کی پریشانی کا حل نکل آیا ہے۔

واٹس ایپ بیٹا انفو کی رپورٹ کے مطابق کمپنی نے 'گلوبل وائس میسج پلیئر' کا فیچر متعارف کروادیا ہے جسے ابتدائی طور پر آئی فون  کے بیٹا ورژن استعمال کرنے والے صارفین کے لیے متعارف کروایا گیا ہے۔

فوٹو: واٹس ایپ بیٹا انفو
فوٹو: واٹس ایپ بیٹا انفو

یہ فیچر جلد ہی اینڈرائیڈ کے صارفین کے لیے بھی متعارف کروادیا جائے گا۔

گلوبل وائس میسج پلیئر کیا ہے؟

اکثر صارفین لمبے وائس میسج سے اکتا جاتے ہیں اور چیٹ بھی نہیں چھوڑ سکتے کیونکہ چیٹ چھوڑنے کی صورت میں وائس میسج کی آواز بند ہوجاتی ہے۔ 

گلوبل وائس میسج پلیئر  کے تحت آپ وائس میسج سنتے ہوئے مذکورہ چیٹ چھوڑ کر دوسری چیٹ پر جاسکیں گے اور اس صارف کو باآسانی جواب دے سکیں گے، ساتھ ہی آڈیو نوٹ بھی پس منظر میں چلتا رہے گا۔

اسے گلوبل نام بھی اسی لیے دیا گیا ہے کیونکہ یہ آپ کی اسکرین کے بالکل اوپر دکھائی دے گا، آپ جب چاہیں اسے سنتے ہوئے روک سکتے ہیں یا اسکرین سے ہٹا بھی سکتے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM