بلاول حریم شاہ کے پسندیدہ سیاستدان، ناپسندیدہ کون؟

ٹک ٹاکر حریم شاہ نے بلاول بھٹو کو پسندیدہ اور فیاض چوہان کو ناپسندیدہ سیاستدان قرار دےد یا۔

حریم شاہ ان دنوں لندن میں ہیں جس دوران انہوں نے پاکستانی کمیونٹی سے ملاقات کرتے ہوئے اپنے خیالات کا اظہار کیا۔

حریم شاہ نے دوران گفتگو اپنے پسندیدہ اور ناپسندیدہ سیاستدانوں کے حوالے سے گفتگو بھی کی اور بتایا کہ بلاول بھٹو ان کے پسندیدہ سیاستدان ہیں اور پیپلز پارٹی میں چند لوگ ایسے ہیں جن کی وجہ سے انہیں پارٹی پسند ہے۔

حریم نے بتایا کہ تحریک انصاف کے رہنما فیاض الحسن چوہان ان کے ناپسندیدہ سیاستدان ہیں۔

ٹک ٹاکر کا کہنا تھا کہ انہیں کسی کا خوف نہیں کیوں کہ وہ اللہ پر پورا یقین رکھتی ہیں۔

انہوں نے مزید کہا کہ انہیں سوشل میڈیا پر فحاشی کا ذمہ دار نہ ٹھہرایا جائے، شوبز سے منسلک خواتین ان سے زیادہ نازیبا لباس پہنتی ہیں۔

خیال رہے کہ ایک ویڈیو میں کراچی سے برطانیہ رقم لے جانے کا دعویٰ کرنے والی حریم شاہ کے خلاف کراچی میں ایف آئی اے سائبر کرائم ونگ نے بھی انکوائری رجسٹرڈ کرکے تحقیقات کا آغاز کیا ہے۔

ڈپٹی ڈائریکٹر ایف آئی اے کا کہنا تھا کہ حریم شاہ کے مؤقف کی وضاحت کے لیے انہیں باضابطہ نوٹس جاری کیا جا رہا ہے۔

حریم شاہ مزید مشکل میں ، ایف آئی اے سائبر کرائم نے بھی تحقیقات شروع کردیں

حریم شاہ کی منی لانڈرنگ کے جرم کے اعتراف اور پھر اسے ’مذاق ویڈیو‘ قرار دینے کا سائبر کرائم ونگ نے نوٹس لے لیا ہے: عمران ریاض

ویڈیو: حریم کے پاس بھاری رقم کس کی تھی؟ دعویدار سامنے آگیا

گزشتہ روز معروف ٹک ٹاکر حریم شاہ کے برطانیہ رقم منتقلی کے دعوے کے بعد ایف آئی اے حرکت میں آئی جس کے بعد ٹک ٹاکر اپنے بیان سے پیچھے ہٹ گئیں۔