پاکستان
14 جنوری ، 2022

گاڑیوں سے اتر کر عوام کی حالت دیکھیں: پی ٹی آئی رکن اسمبلی اپنی ہی حکومت پر برس گئے

پی ٹی آئی رکن اسمبلی نے اپنی ہی جماعت کے اراکین کے نام ای سی ایل میں ڈالنے کا مطالبہ کر دیا۔ فوٹو: فائل
پی ٹی آئی رکن اسمبلی نے اپنی ہی جماعت کے اراکین کے نام ای سی ایل میں ڈالنے کا مطالبہ کر دیا۔ فوٹو: فائل

پاکستان تحریک انصاف کے رکن قومی اسمبلی نور عالم خان اپنی ہی جماعت سے تعلق رکھنے والے ڈپٹی اسپیکر قومی اسمبلی قاسم سوری پر برس پڑے۔

قومی اسمبلی کے اجلاس میں اظہار خیال کرتے ہوئے پاکستان تحریک انصاف کے رکن اسمبلی نور عالم خان کا ڈپٹی اسپیکر قومی اسمبلی کو مخاطب کرتے ہوئے کہنا تھا کہ ہم بیک بینچرز بھی ووٹ لے کر آتے ہیں، کیا ہم صرف یہاں ووٹ دینے آتے ہیں؟

نور عالم خان نے کہا کہ ویسے گناہ گار یہ اگلی تین قطاروں والے ہی ہیں، ڈپٹی اسپیکر، آپ ہماری طرف دیکھتے ہی نہیں ہیں، آپ کو یہ ہی تین قطاریں نظر آتی ہیں۔

ان کا کہنا تھا کہ کیا پاکستان میں صرف نوشہرہ، صوابی، سوات اور میانوالی ہی ہیں؟ باقی آپ کو نظر نہیں آتا، ہمارے حلقوں میں بجلی آتی ہے، نہ گیس آتی ہے۔

نور عالم خان کا مزید کہنا تھا برائے مہربانی گاڑیوں اور جہازوں سے اتریں، عوام کی حالت دیکھیں، اگلی تین قطار  والوں کے نام ای سی ایل میں ڈالیں، پاکستان بچ جائےگا۔

خیال رہے کہ گزشتہ روز بھی پی ٹی آئی رکن اسمبلی نور عالم نے پارلیمانی پارٹی کے اجلاس میں وزیراعظم سے اسٹیٹ بینک کی خود مختاری سے متعلق سوال پوچھا تھا۔

نور عالم کا کہنا تھا کہ کیا ہم سلامتی اداروں کے اکاؤنٹ کی تفصیلات بھی آئی ایم ایف کو دیں گے؟ کیا منی بجٹ سے ہمیں گیس پانی بجلی ملے گی؟

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM