10 کروڑ 76 لاکھ کا سونا دبئی اسمگل کرنے کی کوشش ناکام، 2 ملزمان گرفتار

ملزمان کو ابتدائی تفتیش کے بعد مذکورہ سونا سمیت مزید کارروائی کیلئے کسٹمز حکام کے حوالے کردیا گیا ہے__فوٹو: جیو نیوز
ملزمان کو ابتدائی تفتیش کے بعد مذکورہ سونا سمیت مزید کارروائی کیلئے کسٹمز حکام کے حوالے کردیا گیا ہے__فوٹو: جیو نیوز

پشاور کے باچا خان انٹرنیشنل ائیرپورٹ سے 10 کلو سونا دبئی اسمگل کرنے کی کوشش ناکام بنادی گئی۔

ذرائع کے مطابق ائیرپورٹ سیکورٹی فورس کے عملے نے پشاور   سے دبئی جانے والی خاتون سمیت 2 مسافروں کے قبضے سے 10 کلو سونا برآمد کرلیا۔ 

 ترجمان ائیرپورٹس سیکورٹی فورس کے مطابق خاتون سمیت افغانی باشندوں کے سامان کی تلاشی لی گئی، خاتون مسافر سہیلہ الکوزے اور مسافر حواد خالدی سونا دو بیگوں میں لے جا رہے تھے۔

 ترجمان کے مطابق اے ایس ایف کے عملے نے اسکیننگ کے دوران سامان کو مشکوک قرار دیا اور تلاشی کے دوران 9۔9 کلو گرام سونا اور زیورات ضبط کیا گیا۔ 

ترجمان اے ایس ایف کے مطابق ضبط کیے گئے سونے کی مالیت لگ بھگ 10 کروڑ 76 لاکھ پاکستانی روپے ہے۔ 

تاہم ملزمان کو ابتدائی تفتیش کے بعد مذکورہ سونے سمیت مزید کارروائی کیلئے کسٹمز حکام کے حوالے کردیا گیا ہے۔

مزید خبریں :