22 جنوری ، 2022 
پی ایس ایل: 3 کھلاڑی اور 5 سپورٹ اسٹاف کے ممبران کورونا میں مبتلا
22 جنوری ، 2022
پاکستان کرکٹ بورڈ ( پی سی بی ) کے مطابق پی ایس ایل کیلئے پلیئرز اور آفیشلز کی ہوٹل آمد کے موقع پر ہونیوالی کووڈ 19 ٹیسٹنگ میں 8 افراد کے نتائج مثبت آئے ہیں جن میں 3 پلیئرزاور 5 سپورٹ اسٹاف کے ممبران شامل ہیں۔
ڈائریکٹر ایچ بی ایل پی ایس ایل 2022 سلمان نصیرکے جاری کردہ بیان میں بتایا گیا ہے کہ ہوٹل آمد پر 250 افراد کے کووڈ ٹیسٹ ہوئے جن میں سے 8 ٹیسٹ کے نتائج مثبت آئے ہیں۔
سلمان نصیر کے مطابق ان 8 میں3 پلیئرز اور 5 سپورٹ اسٹاف کے ممبران شامل ہیں جن کو آئیسو لیٹ کردیا گیا ہے۔
پی سی بی ترجمان کے مطابق ان تمام افراد کے ہوٹل پہنچنے سے 48گھنٹے قبل لیےجانے والے ٹیسٹس منفی رہے تھے۔
سلمان نصیر نے مزید کہا کہ جن افراد کے کووڈ ٹیسٹ منفی آئے ہیں وہ ہوٹل میں قرنطینہ کی مدت مکمل کرنے اور دو منفی نتائج حاصل کرنے کے بعد 24 جنوری سے ٹریننگ شروع کرسکیں گے۔
انہوں نے مزیدبتایا کہ پی سی بی نے ببل کی تشکیل سے ایک ہفتہ قبل ہی ہوٹل اسٹاف کی کووڈ ٹیسٹنگ کرائی تھی جن افراد کےنتائج مثبت آئے وہ گھر میں آئیسولیٹ ہیں۔
سلمان نصیر نے کہا کہ جس غیرمعمولی صورتحال کا سامنا ہے اس میں کووڈ کیسز سامنے آئیں گے مگر پی سی بی نے 27 جنوری سے 27 فروری تک ایونٹ مکمل کرانے کے لیے مربوط پروٹوکولز بنارکھے ہیں۔
مزید خبریں :
کراچی پریمیئر لیگ ملیر ڈولفنز نے جیت لی
3 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
