27 جنوری ، 2022 
41 فیصد پاکستانی کورونا کیخلاف حکومتی کارکردگی سے مطمئن:گیلپ سروے
27 جنوری ، 2022
41 فیصد پاکستانیوں نے کورونا کیخلاف حکومتی کارکردگی سے مطمئن ہونے کا اظہار کیا ہے ۔
عوامی آراء جاننے کے حوالے سے معروف ادارے گیلپ پاکستان نے نیا سروے جاری کردیا ہے جس کے مطابق 41 فیصد پاکستانی کورونا کیخلاف حکومتی کارکردگی سے مطمئن جبکہ 29 فیصد نے کارکردگی سے غیر مطمئن ہونے کا بتایا۔
سروے کے مطابق حکومتی اعلانات کے باوجود61 فیصد پاکستانی کورونا کو سنجیدہ لینے کو تیار نہیں اور کورونا سے لاحق خطرات کو مبالغہ آرائی پر مبنی قرار دیا جبکہ 32 فیصد شہری خطرات کو حقیقی سمجھتے ہیں۔
دوسری جانب کورونا کو غیرملکی سازش قرار دینے والے پاکستانیوں کی شرح 49 فیصد سے گھٹ کر 41 فیصد ہوگئی ۔
گیلپ سروے کے مطابق کورونا وائرس کے خاتمےکے سوال پر 25 فیصد پاکستانیوں نے انکشاف کیا کے کورونا تو ملک سے کب کا ختم ہوچکا ۔
