کچھ بھی کرلیں نواز شریف واپس نہیں آئیں گے، چوہدری شجاعت

حکومتی اتحادی جماعت پاکستان مسلم لیگ ق کے صدر چوہدری شجاعت نے حکومت کو مشورہ دیا ہے کہ نواز شریف کی واپسی سے باہر نکل کر عوامی مسائل پر توجہ دیں۔

انہوں نے کہا کہ نوازشریف پر جتنے پیسوں کا الزام ہے اس سے زیادہ ان کے کیسز  پرخرچ کردیے، کچھ بھی کرلیں نوازشریف واپس نہیں آئیں گے۔

وزیراعظم اور شہزاد اکبر کی ناراضگی کی وجہ نواز شریف اور پیسے واپس نہ لانا ہے: شیخ رشید

حکومت کی کوشش ہے کہ نواز شریف واپس آ جائیں، نواز شریف کو ہم نے خود بھیجا یہ ہماری ہی غلطی ہے: وزیر داخلہ

چوہدری شجاعت حسین کاکہنا ہےکہ آج کل نوازشریف کےآنےجانےکی فکرلگی ہے لیکن چاہےکچھ بھی کرلیں  وہ واپس نہیں آئیں گے، اگران کی پارٹی اور ورکر کہیں تو الگ بات ہے،جو خود وزارتِ عظمیٰ کے امیدوار ہیں  وہ نواز  شریف کو  واپسی کا کہیں تو یہ تو مضحکہ خیز  بات ہے۔

 ایک بیان میں چوہدری شجاعت حسین نے کہا کہ یہ سال کام کرنےکا ہے، اگر ایسےکاموں میں ہی لگے رہے تو پھر ملک کا اللہ ہی حافظ ہے، کوئی پارٹی یا لیڈرمہنگائی کےخاتمے کیلئے پارلیمنٹ میں مثبت پلان دے تو اپنےارکان سےکہوں گاکہ ان کی بات سنیں۔

تاحیات نا اہلی کیخلاف سپریم کورٹ میں درخواست دائر

صدر سپریم کورٹ بار احسن بھون کی جانب سے دائر درخواست میں وفاق کو فریق بنایا گیا ہے، س وقت سابق وزیراعظم نواز شریف اور جہانگیرترین تاحیات نااہل ہیں

 ان کا کہنا تھا کہ جتنے پیسوں کا الزام نواز شریف پر ہے ان سے زیادہ تو ان کے کیسوں کے چکر میں خرچ کردیےگئے، اگر نواز شریف کی  واپسی کیلئے گارنٹی کی بات کرتے ہیں تو یاد رکھیں زندگی موت کی کوئی گارنٹی نہیں دےسکتا، اس کا اختیار صرف اللہ کے پاس ہے۔

چوہدری شجاعت نےکہاکہ آج کل لیڈرایک دوسرےکی ٹانگیں کھینچنےمیں لگے ہیں جس کا انجام عنقریب وہ خوددیکھ لیں گے۔