ڈیرہ اسماعیل خان: ضابطہ اخلاق کی خلاف ورزی پر علی امین کو ضلع بدر کرنےکا حکم

الیکشن کمیشن نے ڈیرہ اسماعیل خان میں ضابطہ اخلاق کی خلاف ورزی پر وفاقی وزیر علی امین گنڈا پور کو ضلع بدر کرنےکا حکم دے دیا۔

الیکشن کمیشن کی جانب سے چیف سیکرٹری خیبرپختونخوا کو احکامات پر عمل درآمد کا نوٹس جاری کردیا گیا ہے۔

نوٹس میں کہا گیا ہےکہ  علی امین گنڈا پور اپنے بھائی کے لیے سٹی میئرکے الیکشن کی مہم چلا رہے تھے، انہیں ضلع بدرکیا جائے۔

الیکشن کمیشن نے پیپلز پارٹی کے رکن صوبائی اسمبلی احمدکریم کنڈی کی گرفتاری کا نوٹس بھی جاری کیا ہے اور ضابطہ اخلاق کی خلاف ورزی پر تحریک انصاف کے رکن قومی اسمبلی محمد یعقوب شیخ پر 10 ہزار روپے جرمانہ عائد کیا ہے۔

علی امین گنڈاپور الیکشن کمیشن میں حاضری کے بجائے بھائی کی انتخابی مہم میں پہنچ گئے

علی امین کے وکیل نے الیکشن کمیشن کو بتایا کہ ان کے مؤکل کو کورونا ہے وہ اس لیے حاضر نہیں ہوسکے، انہیں پیشی سے استثنیٰ دیا جائے

علی امین پر اثر نہیں ہورہا، ادارے کی عزت نہیں کررہے: چیف الیکشن کمشنر

ہم ڈی آئی خان کیس کو مثال بنائیں گے، ابھی اس کیس میں اور بھی شکایات موصول ہوئی ہیں : وفاقی وزیر کیخلاف کیس میں ریمارکس