07 فروری ، 2022 
'تعصب انسان کو اندھا کردیتا ہے'، ریشم شاہ رخ کی حمایت میں سامنے آگئیں
07 فروری ، 2022
گزشتہ روز آنجہانی گلوکارہ لتا منگیشکر کی آخری رسومات کی ادائیگی کی ایک ویڈیو منظرِ عام پر آئی جس میں شاہ رخ خان اپنی منیجر پوجا ڈڈلانی کے ہمراہ میت پر پھول رکھ رہے تھے اور ساتھ ہی انہوں نے ہاتھ اٹھا کر فاتحہ پڑھی اور لتا کی میت پر پھونکا۔
ویڈیو وائرل ہونے کے بعد سوشل میڈیا پر بھارتی صارفین نے تنقید شروع کردی کہ شاہ رخ لتا کی میت پرتھوک رہے تھے جس کے بعد اداکار کے نام کا ہیش ٹیگ ٹوئٹر پر ٹاپ ٹرینڈ میں شامل ہوگیا۔
تاہم اس پر اداکارہ ریشم چپ نہ رہ سکیں اور تعصب پھیلانے والے افراد پر تنقید کی۔
اداکارہ نے اپنی انسٹاگرام پوسٹ میں لکھا کہ 'مجھے سمجھ نہیں آتی کہ تعصب انسان کو اتنا اندھا کیوں کر دیتا ہے؟'۔
انہوں نے کہا کہ 'شاید اس کی وجہ یہ ہے کہ جب آپ کے دل کالے ہوجاتے ہیں تو آپ کو کسی کے اچھے عمل اور اس کی نیک نیتی پر بھی شبہ ہونے لگتا ہے'۔
ریشم کا مزید کہنا تھا کہ 'شاہ رخ نے لتا جی کی سمادھی پر کچھ پڑھ کر پھونکا ہے جسے وہاں کے تعصب پسند لوگوں نے تھوکنا قرار دے دیا ہے لہٰذاجو بھی باشعور شخص اسے کُھلی آنکھوں سے دیکھے گا تو اسے اندازہ ہوجائے گا کہ شاہ رخ نے پُھونکا ہے تھوکا نہیں'۔
مزید خبریں :
لاہور: اداکارہ نرگس نے شوہر کے خلاف مقدمہ درج کروا دیا
02 نومبر ، 2024
دپیکا نے بیٹی کا نام اور تصویر سوشل میڈیا پر شیئر کردی
01 نومبر ، 2024
نرگس پر شوہر کا مبینہ تشدد، اداکارہ تھانے پہنچ گئیں
01 نومبر ، 2024
ارجن سے بریک اپ کے بعد ملائیکہ کی ذومعنی پوسٹ
31 اکتوبر ، 2024
سلمان خان کو قتل کی دھمکی دیکر 2 کروڑ تاوان مانگنے والا ملزم گرفتار
31 اکتوبر ، 2024
