09 فروری ، 2022 
صرف عمران خان ہی اس ملک کو ٹھیک کرسکتے ہیں:اداکارہ صرحا اصغر
09 فروری ، 2022
پاکستانی اداکارہ صرحا اصغر نے سینیٹر فیصل سبزواری کے ہمراہ جیو نیوز کے پروگرام 'جشنِ کرکٹ' میں شرکت کی۔
دونوں مہمانوں سے میزبان نے کچھ تیکھے اور کچھ دلچسپ سوالات پوچھے ، شو کے مختلف سیگمنٹس میں صرحا اور فیصل سبزواری نے عوام کی آراء پر مبنی رائے پر بھی اظہارِ خیال کیا۔
ایک سوال کے جواب میں اداکارہ نے مسلم لیگ (ن )کی نائب صدر مریم نواز کو پاکستانی سیاست کی لیڈی ڈیانا قرار دیا۔
ملکی سیاسی صورتحال پر بات کرتے ہوئے صرحا نے کہا کہ عمران خان کے سوا پاکستان کو کوئی ٹھیک نہیں کرسکتا، انہیں اگلے پانچ سال بھی ملنے چاہئیں۔
صرحا کا کہنا تھا کہ اداکارہ سجل علی ، صبا قمر سے زیادہ بہترین اداکارہ ہیں۔
انہوں نے ڈرامہ رائٹر خلیل الرحمان قمر کے حوالے سے کہا کہ وہ لکھتے بہت اچھا اور بولتے بہت بُرا ہیں۔
بالی وڈ میں کام کرنے سے متعلق اداکارہ کا کہنا تھا کہ اگر وہاں سے کام کی پیشکش ہوئی تو آنکھیں بند کرکے قبول نہیں کروں گی، انڈسٹری میں کامیاب اداکار کا بیٹا یا بیٹی یا کوئی اور رشتہ دار ہونے کا بہت فائدہ ہوتا ہے۔
صرحا اصغر کا کچھ اداکاروں کے حوالے سے کہنا تھا کہ وہ سوشل میڈیا پر کافی کامیاب لیکن اداکاری میں ناکام ہیں۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
