09 فروری ، 2022 
عامر لیاقت سے علیحدگی سے متعلق طوبیٰ کا مؤقف سامنے آگیا
09 فروری ، 2022
پاکستان تحریک انصاف (پی ٹی آئی) کے رہنما و رکن قومی اسمبلی عامر لیاقت سے علیحدگی سے متعلق ان کی دوسری اہلیہ طوبیٰ کا مؤقف سامنے آگیا ہے۔
طوبیٰ نے سوشل میڈیا پر جاری اپنے بیان میں کہا ہے کہ 'میں بوجھل دل کے ساتھ اپنی زندگی میں آنے والی ایک تبدیلی کے حوالے سے آپ سب کو آگاہ کرنا چاہتی ہوں جس سے میری فیملی اور قریبی دوست آگاہ ہیں اور وہ یہ کہ 14 ماہ کی علیحدگی کے بعد یہ بات صاف تھی کہ اب مفاہمت اور صلح کی کوئی امید نہیں بچی لہٰذا مجھے خلع لینے کیلئے عدالت سے رجوع کرنے کا فیصلہ لینا پڑا۔‘
انہوں نے مزید کہا کہ ’میں نہیں بتا سکتی کہ یہ عرصہ میرے لیے کتنا مشکل تھا تاہم مجھے اللہ اور اس کے فیصلوں پر یقین ہے۔ میری آپ سب سے اپیل ہے کہ اس مشکل وقت میں میرے فیصلے کا احترام کریں۔‘
واضح رہے کہ سوشل میڈیا پر عامر لیاقت اور طوبیٰ کے درمیان علیحدگی کی خبریں کافی عرصے سے گردش میں تھیں تاہم اس حوالے سے کوئی تصدیق نہیں ہوئی تھی۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
6 گھنٹے پہلے
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
