10 فروری ، 2022 
عامر لیاقت کی تیسری شادی پر اُن کی بیٹی دعا کاردِ عمل سامنے آگیا
10 فروری ، 2022
عامر لیاقت کی تیسری شادی پر ان کی بیٹی دعا کاردِ عمل سامنے آگیا ہے۔
والد کی تیسری شادی کی خبر سامنے آنے کے بعد عامر لیاقت اور ڈاکٹر بشریٰ اقبال کی بیٹی دعا نے انسٹاگرام اسٹوری لگاتے ہوئے کہا کہ 'برائے مہربانی میری لوگوں سے اپیل ہے کہ وہ میرے خاندانی معاملات سے متعلق مجھے کسی پوسٹ میں ٹیگ نہ کریں'۔
انہوں نے کہا کہ یہ انسٹاگرام اکاؤنٹ میرے آرٹ ورک کیلئے ہے اگر آپ اس کا احترام نہیں کرسکتے تو آپ مجھے ان فالو کرسکتے ہیں۔
دعا نے مزید لکھا کہ وہ کسی سوالات اورکمنٹس کے جوابات نہیں دیں گی اور نہ ہی کسی کو اپنی ذاتی زندگی سے متعلق کوئی وضاحت پیش کریں گی۔
واضح رہے کہ عامر لیاقت کی پہلی اہلیہ ڈاکٹر بشریٰ اقبال سے ان کے دو بچے ہیں جن میں بیٹی دعا اور بیٹا احمد شامل ہیں۔
خیال رہے کہ عامر لیاقت حسین نے آج انسٹاگرام کے ذریعے اپنی تیسری شادی کی اطلاع دی اور اہلیہ کے ساتھ تصویر شیئر کی جس کے بعد سوشل میڈیا صارفین کی جانب سے انہیں تنقید کا نشانہ بنایا گیا۔
