11 فروری ، 2022 
پاکستان
بلاول میں ابھی تھوڑا بچپنا بھی ہے، وقت کے ساتھ وہ سمجھ جائیں گے: وزیر خارجہ۔ فوٹو: فائل
بلاول ناسمجھ اور اس کے استاد نالائق ہیں: شاہ محمود قریشی
11 فروری ، 2022
وزیر خارجہ شاہ محمود قریشی نے چیئرمین پیپلز پارٹی بلاول بھٹو زرداری کو نا سمجھ قرار دے دیا۔
شاہ محمود قریشی کا بلاول بھٹو زرداری کے دورہ جنوبی پنجاب کے حوالے سے بیان پر ردعمل دیتے ہوئے کہنا تھا کہ بلاول بھٹو ناسمجھ ہیں اور ان میں ابھی تھوڑا بچپنا بھی ہے۔
ان کا کہنا تھا کہ بلاول کے استاد نالائق ہیں، وقت کے ساتھ بلاول سمجھ جائیں گے۔
ایک سوال کے جواب میں وزیر خارجہ کا کہنا تھا کہ تنقید سے جنوبی پنجاب صوبہ نہیں بنےگا، شہباز شریف سے درخواست ہے کہ جنوبی پنجاب کے معاملے پر سنجیدگی سے غور کریں۔
شاہ محمود قریشی کا کہنا تھا کہ ہمیں جنوبی پنجاب کے حقائق کو سامنے رکھ کر آگے بڑھنا ہوگا۔
