خود کو عامر لیاقت کی تیسری اہلیہ بتانیوالی خاتون کے پی ٹی آئی رہنما سے متعلق دعوے

خود کو عامر  لیاقت کی تیسری  اہلیہ  بتانے والی ہانیہ  خان  نے پی  ٹی آئی رہنما سے متعلق کچھ دعوے کیے ہیں۔

 ابھرتی ہوئی اداکارہ و ماڈل ہانیہ خان کا کہنا ہے کہ وہ عامر لیاقت کی تیسری جب کہ سیدہ دانیہ شاہ چوتھی اہلیہ ہیں،  تاہم یہ پہلا موقع نہیں جب ہانیہ نے اپنا تعارف عامر لیاقت کی اہلیہ کے حوالے سے کروایا ہو۔

اس سے قبل گزشتہ سال اپریل میں ہانیہ خان پہلی مرتبہ منظرِ عام پر آئی تھیں، ان کا کہنا تھا کہ عامر لیاقت نے ان سے تیسری شادی کررکھی ہے اور وہ طوبیٰ کو طلاق دے چکے ہیں جس پر عامر لیاقت نے ان کے خلاف قانونی کارروائی کا کہتے ہوئے تمام الزامات مسترد کردیے تھے۔

عامر لیاقت حسین نے تیسری شادی سے متعلق خبروں پر خاموشی توڑ دی

اداکارہ و ماڈل ہانیہ خان کی ایک تصویر بھی عامر لیاقت کے ساتھ وائرل ہے اور ہانیہ خان نے دعویٰ کیا ہے کہ وہ عامر لیاقت کی بیوی ہیں

حال ہی میں عامر لیاقت کی تیسری شادی کے بعد ایک مرتبہ پھر ہانیہ خان نے ان کی تیسری اہلیہ ہونے کا دعویٰ کیا ہے۔

ہانیہ خان نے نجی ٹی وی کے پروگرام میں شرکت کی  اور  دوران گفتگو  دعویٰ کیا کہ یہ عامر لیاقت کی چوتھی شادی ہے، وہ ہمیشہ سے ہی کم عمر اور ایسی نوجوان لڑکیوں کی تلاش میں رہے ہیں، جن کا تعلق متوسط گھرانے سے ہو۔

'اللہ نے شادیوں کا کہا ہے طلاق کا نہیں، بشریٰ کو طلاق دی نہ خلع کے کاغذات پر دستخط کیے'

میں کسی عدالت نہیں گیا، میں طلاق اور خلع کو اچھا نہیں سمجھتا: عامر لیاقت حسین

ہانیہ نے الزام عائد کیا کہ عامر لیاقت لڑکیوں کو  خواب دکھا کر ان کا کیرئیر بنانے کے وعدے کرکے ان سے شادیاں کرتے ہیں،  طوبیٰ انور کو پہلے کوئی نہیں جانتا تھا، عامر لیاقت کی وجہ سے ان کی شہرت میں اضافہ ہوا۔

ہانیہ خان نے شو کے دوران اعتراف کیا کہ انہیں معلوم تھا کہ عامر لیاقت کا رویہ دوسری خواتین سے اچھا نہیں ہے پھر بھی میں نے ان سے شادی کی۔