14 فروری ، 2022 
کرناٹک ہائیکورٹ کا عبوری حکم، باحجاب طالبات کو اسکولوں میں داخلے سے روک دیا گیا
14 فروری ، 2022
حجاب سے متعلق کرناٹک ہائیکورٹ کے عبوری حکم کے بعد حجاب میں آنے والی طالبات کو اسکولوں میں داخلے سے روک دیا گیا۔
کرناٹک ہائیکورٹ نے 10 فروری کو عبوری حکم جاری کیا تھا جس میں معاملے کے حل ہونے تک طالبات کو مذہبی لباس پہننے سے منع کردیا گیا تھا۔
عبوری حکم کے بعد آج حجاب میں آنے والی طالبات کو اسکولوں میں داخلے سے روک دیا گیا۔
مانڈیا شہر میں اسکول کے باہر والدین اور اساتذہ میں بحث و تکرار ہوتی رہی تاہم طالبات کو حجاب اتار کر اسکول میں جانا پڑا۔
دوسری جانب کرناٹک ہائی کورٹ میں ریاستی تعلیمی اداروں میں حجاب پر پابندی کے خلاف درخواست پر سماعت ہوئی۔
عدالت میں طالبات کے وکیل نے کہا کہ امن وامان کا بہانہ بنا کر کوئی بھی کالج انتظامیہ طالبات کو حجاب سے نہیں روک سکتی، اسکارف اور حجاب پہننے والی مسلمان لڑکیاں کسی کے لیے خطرہ نہیں۔
وکیل نے دلائل دیے کہ مذہبی آزادی صرف اس وقت روکی جاسکتی ہے جب امن وامان کا خطرہ ہو، بھارتی آئین کے آرٹیکل 25 کے مطابق تمام شہریوں کو مذہبی آزادی حاصل ہے۔
عدالت نے مقدمے کی مزید سماعت کل تک ملتوی کردی۔
مزید خبریں :
دنیا بھر میں کرسمس تقریبات کا آغاز،گرجا گھروں میں خصوصی عبادات
25 دسمبر ، 2024
شام کے شہر حماہ میں نامعلوم افراد نےکرسمس ٹری کو آگ لگادی
24 دسمبر ، 2024
سعودی عرب میں رواں سال 300 سے زائد افراد کو سزائے موت دی گئی
24 دسمبر ، 2024
ایک اورکشمیری نژاد پاکستانی برطانیہ میں لارڈ بن گیا
24 دسمبر ، 2024
