شہباز شریف کی احتساب عدالت سے آشیانہ ریفرنس میں لمبی تاریخ دینےکی استدعا

مسلم لیگ ن کے صدر شہباز شریف نے احتساب عدالت سے آشیانہ ریفرنس میں لمبی تاریخ دینےکی استدعا کردی۔

لاہور کی احتساب عدالت میں آشیانہ ریفرنس کی سماعت کے موقع پر شہباز شریف کا کہنا تھا کہ قومی اسمبلی اجلاس میں شرکت کرنی ہے، اپنی موجودگی میں گواہوں کی جرح سننا چاہتا ہوں، قومی اسمبلی کا اجلاس 18 فروری سے شروع ہو رہا ہے، عدالت لمبی تاریخ دے۔

آشیانہ اقبال ریفرنس: میرے خلاف کیس کا ایک ایک لفظ جھوٹ اور فراڈ ہے: شہباز شریف

خطا کار انسان ہوں لیکن میں نے کرپشن نہیں کی، میں نے بہت محنت اور خدمت کی اور قوم کا پیسہ بچایا: صدر مسلم لیگ ن

عدالت کا کہنا تھا کہ یہ گواہ آپ کے بارے میں نہیں ہیں، آپ حاضری معافی کی درخواست دے دیں۔

عدالت نے نیب کے ایک گواہ کا بیان قلمبند کرلیا اور آئندہ سماعت پر وکلا کو گواہوں کے بیانات پر جرح کے لیے طلب کرلیا۔

احتساب عدالت نے آشیانہ ریفرنس میں سماعت 24 فروری تک ملتوی کردی۔

دوسری جانب رمضان شوگرملز کیس میں عدالت نے حمزہ شہباز کی بریت کی درخواست پر آئندہ سماعت پر دلائل دینےکا حکم دے دیا، عدالت نے لاہور بارکی ہڑتال کے باعث سماعت کے بغیرکارروائی ملتوی کردی، کیس کی سماعت 24 فروری کو ہوگی۔