ویڈیو: پیٹرول مہنگا ہونے پر کیا شہریوں نے گھوڑوں پر سفر شروع کردیا؟

پاکستان میں پیٹرول کی قیمتیں ملکی تاریخ کی بلند ترین سطح پر پہنچنے کے  بعد سوشل  میڈیا صارفین کی جانب سے نت نئے مشورے دیے جارہے ہیں۔

پیٹرول  کی قیمت میں اضافے سے پریشان  عوام نے اب سوشل میڈیا کا سہارا لے لیا ہے جس میں دلچسپ چیزیں سامنے  آرہی  ہیں۔

میزبان حسن چوہدری کی جانب سے ایک ویڈیو شیئر کی گئی ہے جس میں ٹریفک میں ایک شخص کو گھوڑے پر سواری کرتے دیکھا جاسکتا ہے۔

'ارطغرل اسی لیے دکھایا گیا تاکہ عوام گھوڑوں پر سفر کرے'

وزارت خزانہ کی جانب سے جاری نوٹیفکیشن کے مطابق پیٹرول کی قیمت 12 روپے 3 پیسے اضافے کے بعد 159 روپے 86 پیسے فی لیٹر ہو گئی ہے۔

حسن نے اپنی ٹوئٹ میں لکھا کہ یہی وہ طریقہ ہے جس سے کراچی کے ٹریفک کو شکست دی جاسکتی ہے۔

لیکن حسن چوہدری کے ٹریفک جام سے بچنے کیلئے پیش  کیے گئے حل کو سوشل  میڈیا صارفین  نے پیٹرول کی قیمت سے بھی جوڑ دیا اور صارفین اس ویڈیو کو پیٹرول کی قیمتیں بڑھنے کے بعد گاڑی سے گھوڑوں تک کے سفر سے منسلک کرتے دکھائے دیے۔

واضح رہے کہ  حال ہی میں  حکومت نے پیٹرولیم مصنوعات کی قیمت میں بڑا اضافہ کیا ہے جس کے تحت پیٹرول 12 روپے 3 پیسے فی لیٹر اضافے کے ساتھ 159 روپے 86 پیسے تک جا پہنچا ہے۔

اس کے علاوہ ڈیزل کی قیمت میں بھی 9 روپے 53 پیسے فی لیٹر کا اضافہ کیا گیا ہے جس کے بعد ڈیزل کی نئی قیمت 154 روپے 15 پیسے ہو گئی ہے۔