26 فروری ، 2022 
روسی فوج کا راستہ روکنے کیلئے یوکرینی فوجی نے خود کو دھماکے سے اڑادیا
26 فروری ، 2022
روسی حملے کے بعد ملکی دفاع کے لیے لڑنے والے فوجی نے روس کے زیر قبضہ کریمیا کو یوکرین سے ملانے والے پل کو خود پر بارود لگاکر دھماکے سے اڑادیا۔
غیر ملکی میڈیا رپورٹس کے مطابق جب روسی ٹینکوں نے حملہ کیا تو میرین بٹالین کے انجینئر 'وٹالی سکاکون وولوڈیمیرووچ' کو جنوبی صوبے کھیرسن کے ہینیچسک پُل پر تعینات کیا گیا تھا ۔
وٹالی نے اپنے فرض نبھاتے ہوئے دشمن کو ملک تباہ کرنے سے روکنے کے لیے اپنی جان کا نظرانہ پیش کردیا۔
یوکرین فوج کے جنرل اسٹاف نے ایک بیان میں کہا کہ فوج نے فیصلہ کیا کہ روسی ٹینکوں کو روکنے کا واحد راستہ پُل کو اڑانا ہے اور اس ضروری کام کے لیے رضاکارانہ خدمات وٹالی سکاکون نے انجام دیں۔
فوجی حکام نے کہا کہ اس اہلکار کو اندازہ تھا کہ اس کی تعیناتی اس کی موت کا سبب بنے گی اور وہ اپنے ملک کے لیے جان قربان کرے گا تاہم اس نے یہ کرنے میں ذرا دیر نہیں لگائی۔
یوکرینی فوجی اہلکار کی بہادری نے روسی افواج کو لمبا راستہ اختیار کرنے پر مجبور کیا۔
مزید خبریں :
دمشق ائیرپورٹ کا فضائی آپریشن بحال ہوگیا
5 گھنٹے پہلے
سعودی عرب نے کابل میں دوبارہ اپنے سفارتی مشن کا آغاز کردیا
23 دسمبر ، 2024
