27 فروری ، 2022 
پاکستانیوں کی سلامتی کا بہترین طریقہ پیوٹن کو جنگ سے روکنا ہے، یوکرینی وزیر خارجہ
27 فروری ، 2022
وزیر خارجہ شاہ محمود قریشی اور یوکرینی وزیر خارجہ دمتروکولبا کے درمیان ٹیلیفونک رابطہ ہوا ہے۔
یوکرینی وزیر خارجہ کا اپنی ٹوئٹ میں کہنا تھاکہ شاہ محمود قریشی سے بات ہوئی ہے، پاکستان یوکرین میں امن کیلئے عالمی تنظیموں کے اقدامات کی حمایت کرتا ہے۔
انہوں نے کہا کہ وزیرخارجہ پاکستان سے پاکستانی طلبہ کی حفاظت پربات ہوئی اور میں نے کہا ہے کہ پاکستانیوں کی سلامتی کا بہترین طریقہ یہ ہےکہ پیوٹن کو جنگ روکنے پر مجبور کیا جائے۔
تنازعات میں شدت کسی کے مفاد میں نہیں، شاہ محمود قریشی
دوسری جانب ترجمان دفتر خارجہ کا کہنا تھاکہ وزیر خارجہ شاہ محمود قریشی کا یوکرین کےہم منصب سے ٹیلیفونک رابطہ ہوا ہے جس میں دونوں وزرائےخارجہ نے موجودہ صورتحال سے متعلق رابطے میں رہنے پر اتفاق کیا۔
ترجمان دفتر خارجہ کے مطابق شاہ محمود قریشی نے کشیدگی میں کمی کیلئےسفارت کاری کی ضرورت پر زور دیا۔
ترجمان نے بتایا کہ وزیرخارجہ نے پاکستانی کمیونٹی، بالخصوص طلبہ کے انخلا کا معاملہ بھی اٹھایا اور کہا کہ انخلاءکے عمل میں یوکرینی حکام کے مثبت کردار کو سراہتے ہیں۔
شاہ محمود قریشی کا کہنا تھاکہ تنازعات میں شدت کسی کے مفاد میں نہیں، ترقی پذیر ممالک تنازعات کےباعث معاشی طور پرزیادہ متاثرہوتے ہیں، پاکستان تنازعات کو مذاکرات،سفارتکاری کےذریعے حل کرنےکا خواہاں ہے۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
