’وزیراعظم آج پیٹرول 10 روپے سستا کرنے کا اعلان کریں گے‘
28 فروری ، 2022
وزیردفاع پرویزخٹک نے کہا ہے کہ وزیراعظم عمران خان آج قوم سے خطاب میں پیٹرول 10 روپے سستا کرنےکا اعلان کریں گے۔
نوشہرہ میں تقریب سے خطاب کرتے ہوئے پرویز خٹک نے کہا کہ بین الاقوامی سطح پرپیٹرول سستا تو نہیں مل رہا لیکن ڈھائی سو ارب روپے حکومت دے گی جس سے پیٹرول کی قیمت کم ہوگی اور 4 ماہ تک پیٹرول مہنگا نہیں ہو گا۔
انہوں نے کہا کہ اگر عالمی سطح پربہتری آئی اور پیٹرول سستا ہوا تو پھر پیٹرول کی قیمتوں میں مزید کمی آجائے گی ۔
پرویز خٹک کا کہنا تھاکہ بجلی کی فی یونٹ قیمت میں 5 روپے کی کمی کا اعلان ہوجائے گا ۔
انہوں نے مزید کہا کہ تیسرااہم اعلان یہ ہوگا کہ بے روزگاربی اے پاس افراد کو ماہانہ 10 سے 20 ہزار روپے دیے جائیں گے۔
