01 مارچ ، 2022 
پاکستان
پی ٹی آئی اور ن لیگ مان جائیں تو شیروانی بنوانے میں کونسا وقت لگتا ہے؟ چوہدری شجاعت
01 مارچ ، 2022
چوہدری شجاعت حسین نے امیر جماعت اسلامی سراج الحق سے ملاقات میں کہا ہے کہ پرویز الٰہی کے وزیراعلیٰ پنجاب بننے میں پی ٹی آئی اور ن لیگ رکاوٹ ہیں، یہ مان جائیں تو شیروانی بنوانے میں کون سا وقت لگتا ہے؟
امیر جماعت اسلامی سراج الحق اور چوہدری شجاعت حسین کی ملاقات میں جماعت اسلامی کے وفد نے سوال اٹھایا تھا کہ کیا چوہدری پرویز الٰہی کی بطور وزیر اعلیٰ شیروانی تیار ہورہی ہے؟
اس پر چوہدری شجاعت بولے کہ شیروانی میں کون سا وقت لگتا ہے؟ اصل میں پی ٹی آئی اور ن لیگ کو خدشہ ہے کہ پرویز الہیٰ وزیراعلیٰ بنے تو جو لوگ ان کی جماعتوں میں آئے ہیں وہ واپس ق لیگ میں نہ چلے جائیں۔
