02 مارچ ، 2022 
شعیب اختر نے آفریدی کی 'صحیح' عمر پوچھنے کے بعد ٹوئٹ ڈیلیٹ کردی
02 مارچ ، 2022
سابق فاسٹ بولر شعیب اختر نے سابق کپتان شاہد آفریدی سے اُن کی درست عمر پوچھی اور پھر وہ ٹوئٹ ڈیلیٹ کردی۔
گزشتہ روز شاہد آفریدی کی سالگرہ کے موقع پر انہیں مداحوں سمیت ساتھی کرکٹرز کی جانب سے محبت بھرے پیغامات موصول ہوئے۔
اسی موقع پر شعیب اختر نے بھی سابق کپتان کو سالگرہ کی مبارکباد دیتے ہوئے ان سے درست عمر پوچھی اور کہا کہ ' لالا اب تو صحیح والی عمر بتادے'، بعد ازاں شعیب اختر نے اپنی یہ ٹوئٹ اکاؤنٹ سے ڈیلیٹ کردی۔
تاہم شعیب اختر کے ٹوئٹ پر ردّعمل دیتے ہوئے شاہد آفریدی نے اُن کا شکریہ ادا کیا اور مزاحیہ انداز میں کہا کہ ’بھائی! وقت بھاگ رہا ہے۔‘
شاہد آفریدی کی اصل عمر کیا ہے؟
خیال رہے کہ پاکستان کے سابق کپتان شاہد آفریدی کی تاریخ پیدائش نے اپنے پورے کیرئیر میں بہت زیادہ تنازعات پیدا کیے ہیں۔
کرکٹ ویب سائٹ کرک انفو کے مطابق آفریدی نے اپنی سوانح عمری گیم چینجر میں انکشاف کیا تھا کہ وہ 1975 میں پیدا ہوئے تاہم پبلیکیشن کا کہنا تھا کہ آفریدی نے کتاب میں مہینہ یا دن شیئر نہیں کیا۔
یہاں یہ بات بھی قابلِ ذکر ہے کہ گزشتہ برس انہوں نے سالگرہ کے موقع پر ہی اپنی عمر 44 برس بتائی تھی۔
کرک انفو کے پلیئر پروفائل پیجز اور آفیشل ریکارڈز پر ان کی تاریخ پیدائش یکم مارچ 1980 درج ہے۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
