03 مارچ ، 2022 
مہمان ٹیم کو ٹف ٹائم دیں گے: بابراعظم
03 مارچ ، 2022
قومی ٹیم کے کپتان بابراعظم کا کہناہےکہ مہمان ٹیم کو ٹف ٹائم دیں گے اور بھر پورفائٹ کرکےنتائج دیں گے۔
بابراعظم نے ورچوئل پریس کانفرنس میں کہا کہ کراچی میں کھلاڑیوں نے پریکٹس میچ کھیلا اور اچھی تیاری ہے، ہوم سیریزکی اہمیت جانتے ہیں، کراچی اور راولپنڈی میں ٹریننگ پرفوکس کیا، دو کھلاڑی ان فٹ ہوئے، ایک کو کورونا ہوالیکن یہ کھیل کاحصہ ہے۔
بابراعظم کا کہنا تھا کہ پروفیشنل کھلاڑیوں کا ایک فارمیٹ سے دوسرے میں جانا مشکل نہیں ہوتا۔
قومی کپتان نے کہا کہ فی الحال ٹیم فائنل نہیں، اس حوالے سے صبح وکٹ دیکھ کر فیصلہ کریں گے، بس کرکٹ پر فوکس ہے، ٹیم بہترین پرفارمنس دے گی۔
انہوں نے مزید کہا کہ آسڑیلیا کو آسان نہیں لے سکتے یہ ایک اچھی ٹیم ہے لیکن ہم اپنا مومنٹم قائم رکھیں گے اور مہمان ٹیم کو ٹف ٹائم دیں گے، پراعتماد ہوں بھر پورفائٹ کرکےنتائج دیں گے۔
واضح رہےکہ پاکستان اور آسٹریلیا کے درمیان تین ٹیسٹ میچز کی سیریز کا پہلا ٹیسٹ کل راولپنڈی میں کھیلا جائے گا۔
