فضل الرحمان اور نواز شریف کی تحریک عدم اعتماد پر مشاورت، نمبرز گیم پر اظہاراطمینان

اپوزیشن اتحاد پاکستان ڈیموکریٹک موومنٹ و جمعیت علمائے اسلام کے سربراہ مولانا فضل الرحمان اور لندن میں موجود سابق وزیراعظم و مسلم لیگ (ن) کے قائد نواز شریف کے درمیان ٹیلیفونک رابطہ ہوا ہے۔

ذرائع کے مطابق ٹیلیفونک گفتگو میں وزیراعظم کے خلاف تحریک عدم اعتماد کے معاملے پر مشاورت کی گئی ہے۔

ذرائع نے بتایا کہ دونوں رہنماؤں نے نمبر گیم پر اطمینان کا اظہار کیا۔

لانگ مارچ کے اختتام پر وزیراعظم کیخلاف تحریک عدم اعتماد جمع کرائیں گے، خورشید شاہ

حکومت کے 12 سے 13 ایم این ایز اپنا فیصلہ کر چکے ہیں، وہ عمران خان کی ناکامیوں کا بوجھ اٹھانے کو تیار نہیں، خورشید شاہ

ذرائع کا کہنا ہے کہ مولانا فضل الرحمان نے نوازشریف کو اپوزیشن کی پیش قدمی سے متعلق آگاہ کیا، دونوں رہنماؤں نے موجودہ حکومت سے جلد ازجلد قوم کو نجات دلانے پراتفاق کیا۔

خیال رہے کہ اپوزیشن کی جانب سے حکومت کے خلاف تحریک عدم اعتماد لانے کا اعلان کیا گیا تھا اور دو روز قبل مولانا فضل الرحمان نے اس حوالے سے 48 گھنٹے میں قوم کو خوشخبری سنانے کا اعلان کیا تھا۔