ٹنڈولکر بھی بسمہ معروف کی بیٹی کی تصویر پر تبصرہ کیے بغیر نہ رہ سکے

پاکستان ویمن کرکٹ ٹیم کی کپتان بسمہ معروف اور ان کی بیٹی کی بھارتی ویمن ٹیم کے ساتھ وائرل ہونے والی تصویر پر سابق ورلڈ کلاس بیٹر سچن ٹنڈولکر بھی تبصرہ کیے بغیر نہ رہ سکے۔

گزشتہ روز بسمہ معروف کی اپنی 6 ماہ کی بیٹی کے ساتھ گراؤنڈ میں آنے کی تصاویر وائرل ہوئی تھیں جبکہ بھارتی ویمن کرکٹرز بھی بسمہ معروف کی بیٹی کے ساتھ کھیلتی اور اسے پیار کرتی نظر آئی تھیں۔

بھارت کے لیجنڈ بیٹر اور سابق کپتان سچن ٹنڈولکر نے بھی اس حوالے سے سوشل میڈیا پر خوبصورت تبصرہ کیا ہے۔

بھارتی ویمنز کرکٹرز بسمہ معروف کی بیٹی کیساتھ کھیلتی رہیں، ویڈیو وائرل

اتوار کے روز انٹرنیشنل کرکٹ کونسل( آئی سی سی) ویمنز کرکٹ ورلڈ کپ کے پہلے مقابلے میں پاکستان کو بھارت کے ہاتھوں 107 رنز کی شکست کا سامنا کرنا پڑا

سچن ٹنڈولکر نے سوشل میڈیا پر بھارتی ویمن کرکٹرز کی بسمہ معروف کی بیٹی کے ساتھ تصویر شیئر کرتے ہوئے لکھا کہ یہ ایک خوبصورت لمحہ ہے۔

لیجنڈ کرکٹر نے مزید لکھا کہ کرکٹ کی فیلڈ میں باؤنڈریز ہیں لیکن آف دی فیلڈ یہ تمام باؤنڈریز کو توڑ دیتی ہے، کھیل سب کو متحد کرتے ہیں۔