07 مارچ ، 2022 
ڈیوڈ وارنر کا اسٹیڈیم میں اپنے ڈانس کی ویڈیو وائرل ہونے پر رد عمل
07 مارچ ، 2022
آسٹریلوی کھلاڑی ڈیوڈ وارنر نے راولپنڈی ٹیسٹ کے دوران اسٹیڈیم میں اپنی ڈانس کی وائرل ویڈیو پر ردعمل دیا ہے۔
ویڈیو میں گراؤنڈ میں موجود شائقین کرکٹ نے وارنر کے نام کے نعرے لگائے جس پر باؤنڈری لائن پر فیلڈنگ کرتے وارنر نے شائقین کرکٹ کے نعروں کا بھرپور جواب دیا تھا۔
انہوں نے مختصر ڈانس کیا اور شائقین کرکٹ کی طرف چہرہ کیے بغیر ہاتھ بھی ہلایا جس کی ویڈیو سوشل میڈیا سمیت مختلف عالمی شہرت یافتہ ویب سائٹس نے بھی شیئر کیں۔
فلیش اسکور کرکٹ کمنٹیٹرز کے مصدقہ ٹوئٹر اکاؤنٹ نے ویڈیو شیئر کی تو ڈیوڈ وارنر نے اس پر جواب دیا اور اسٹیڈیم میں موجود مداحوں کی تعریف کی۔
وارنر نے اپنی ٹوئٹ میں کہا کہ اس ٹیسٹ میچ میں شائقینِ کرکٹ شاندار تھے۔
واضح رہے کہ راولپنڈی ٹیسٹ کے چوتھے روز کا کھیل گزشتہ رات بارش کے باعث تاخیر کا شکار ہوگیا ہے ۔
پاکستان نے پہلی اننگز 4 وکٹ کے نقصان پر476 رنز بناکر ڈیکلیئر کی تھی اور آسٹریلیا کی ٹیم پہلی اننگز کا کھیل 271 رنز 2 کھلاڑی آوٹ سے آگے بڑھائےگی۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
3 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
6 گھنٹے پہلے
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
