تیمور کی والد سیف علی خان پر غصہ نکالنے کی ویڈیو وائرل

 اداکار سیف علی خان اور کرینہ کپور کے بڑے بیٹے تیمور علی خان کی حال ہی میں شدید غصے کی ایک ویڈیو وائرل ہوئی ہے۔

ویڈیو میں تیمور کافی غصے میں دکھائی دیے اور وہ اپنا غصہ والد سیف پر بھی اتار رہے ہیں۔

یہ ویڈیو بھارتی فوٹوگرافر کی جانب سے شیئر کی گئی جو دیکھتے ہی دیکھتے سوشل میڈیا پر وائرل ہوگئی۔

ویڈیو میں دیکھا جاسکتا ہے کہ سیف اپنے بیٹے تیمور کے ہمراہ گاڑی سے اترے  تو بیٹے کا موڈ خراب تھا۔

اسی دوران سیف بیٹے سے کچھ بات کرتے ہوئے دکھائی دیے لیکن تیمور کا موڈ بدستور خراب ہی رہا، انہوں نے اپنے والد کو ہاتھ سے مار کر بھی اپنے غصے کا اظہار کیا جب کہ سیف بیٹے کی حرکت پر مسکراتے رہے۔

ویڈیو سوشل میڈیا کی زینت بنی تو صارفین نے تبصرے کیے کہ تیمور فطرتاً کافی غصے والا بچہ ہے جب کہ متعدد صارفین نے سیف اور کرینہ کو مشورہ دیا کہ انہیں اپنے بیٹے کا غصہ کم کرنے کے لیے کچھ کرنا چاہیے۔

واضح رہے کہ یہ پہلا موقع نہیں جب تیمور کی غصے میں کوئی ویڈیو منظرِ عام پر آئی ہو، اس سے قبل بھی کرینہ اور سیف کے بیٹے کی چند ویڈیوز سامنے آچکی ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM