09 مارچ ، 2022 
پنڈی ٹیسٹ کیلئے ڈیڈ وکٹ، فواد چوہدری پی سی بی پر برس پڑے
09 مارچ ، 2022
وفاقی وزیر اطلاعات فواد چوہدری آسٹریلیا کے خلاف راولپنڈی ٹیسٹ کے لیے ڈیڈ وکٹ بنانے پر پاکستان کرکٹ بورڈ (پی سی بی) پر برس پڑے۔
پاکستان اور آسٹریلیا کے درمیان راولپنڈی ٹیسٹ ہار جیت کے فیصلے کے بغیر ختم ہو گیا تھا۔
پاکستان نے پہلی اننگز 478 رنز 4 کھلاڑی آؤٹ پر ڈکلیئر کر دی تھی جبکہ آسٹریلیا نے پہلی اننگز میں 459 رنز بنائے تھے جبکہ پاکستان نے اپنی دوسری اننگز میں بغیر کسی وکٹ کے نقصان کے 252 رنز اسکور کیے تھے۔
راولپنڈی ٹیسٹ کے لیے تیار کی گئی وکٹ کے حوالے سے وفاقی وزیر فواد چوہدری نے سوشل میڈیا پر اپنے خیالات کا اظہار کیا ہے۔
فواد چوہدری نے راولپنڈی ٹیسٹ کے لیے تیار کی گئی وکٹ پر مایوسی کا اظہار کرتے ہوئے کہا کہ تاریخی ٹیسٹ میچ کے لیے پی سی بی کے ڈیڈ وکٹ کے انتخاب کرنے پر مایوسی ہوئی۔
وفاقی وزیر کا کہنا تھا کہ پاکستان کے پاس خطرناک پیس اٹیک ہے پھر ہمیں ایسی ڈیڈ پچز کی کیا ضرورت ہے۔
یاد رہے کہ پاکستان اور آسٹریلیا کے درمیان دوسرا ٹیسٹ کراچی میں 12 مارچ سے شروع ہو گا۔
مزید خبریں :
کسان اتحاد کا زرعی ٹیکس کے خلاف احتجاج کا اعلان
5 گھنٹے پہلے
پی ٹی آئی کے ایک اور نائب صدر عہدے سے مستعفی
8 گھنٹے پہلے
