وزیراعظم نے پنجاب کی پارلیمانی پارٹی کا اجلاس بلالیا، ترین گروپ کا بائیکاٹ کا اعلان

وزیر اعظم عمران خان کل ایک روزہ دورے پر لاہور پہنچیں گے۔

ذرائع کے مطابق وزیراعظم عمران خان نے پنجاب کی پارلیمانی پارٹی کا اجلاس طلب کر لیا ہے۔

ذرائع ترین گروپ نے بتایاکہ ترین گروپ نے عثمان بزدار کی موجودگی تک کسی بھی پارلیمانی پارٹی اجلاس کے بائیکاٹ کا اعلان کیا ہے۔

تحریک عدم اعتماد آئی تو اجلاس بلا کر مشاورت سے فیصلہ کرینگے، پی ٹی آئی چھینہ گروپ

ہمیں حلقوں کے حوالے سے تحفظات ہیں لیکن ہم عمران خان کے ساتھ کھڑے ہیں، فیصل چیمہ

ذرائع کا کہنا ہے کہ ترین گروپ کے ارکان کسی بھی پارلیمانی میٹنگ میں شریک نہیں ہوں گے اور ارکان کا کہنا ہے کہ عثمان بزدار کسی صورت وزیر اعلیٰ قبول نہیں۔

دوسری جانب صوبائی وزیر نعمان لنگڑیال کی رہائش گاہ پر ترین گروپ کا اجلاس ختم ہوگیا۔

اجلاس کے بعد جہانگیر ترین گروپ نے میڈیا سے گفتگو نہیں کی تاہم گروپ کا کہنا ہے کہ مشاورت کل بھی جاری رہے گی۔