10 مارچ ، 2022 
پاکستان
بیٹی پیدا ہونے پر طعنے، طلاقیں اور قتل ہونا بہت افسوسناک اور بد ترین جہالت ہے: عالم دین کا ٹوئٹر پر بیان/ فائل فوٹو
’بیٹی کی نعمت پر فخر کرنا چاہیے‘، سانحہ میانوالی پر مولانا طارق جمیل کا رد عمل
10 مارچ ، 2022
معروف عالم دین مولانا طارق جمیل نے میانوالی میں باپ کے ہاتھوں سات دن کی بیٹی کے قتل کے واقعے پر شدید ردعمل کا اظہار کیا ہے۔
ٹوئٹر پر جاری بیان میں مولانا طارق جمیل نے کہا کہ بیٹی پیدا ہونے پر طعنے، طلاقیں اور قتل ہونا بہت افسوسناک اور بد ترین جہالت ہے۔
انہوں نے کہا کہ سانحہ میانوالی بہت دکھ دینے والا واقعہ ہے، اللّٰہ کے نبیﷺکی نسل بیٹی سے چلی، بیٹی اللّٰہ کی بہت بڑی نعمت ہے۔
طارق جمیل نے مزید کہا کہ اس نعمت پر فخر کرنا چاہیے اور اللّٰہ کا شکر ادا کرنا چاہیے۔
یاد رہے کہ گزشتہ ہفتے میانوالی سے افسوسناک خبر سامنے آئی تھی کہ باپ نے بیٹے کی پیدائش نہ ہونے پر اپنی 7 روز کی بیٹی کو فائرنگ کرکے قتل کردیا۔
