11 مارچ ، 2022 
ویڈیو: آسٹریلوی کھلاڑی کراچی میں کرکٹ کے ساتھ ٹینس بھی کھیلنے لگے
11 مارچ ، 2022
پاکستان کیخلاف دوسرے ٹیسٹ کیلئے کراچی میں موجود آسٹریلین کرکٹرز بھرپور انداز میں اپنا ٹائم انجوائے کررہے ہیں، مہمان کرکٹرز نے کراچی میں کرکٹ کی مصروفیات کے بعد ٹینس کو وقت دیا اور آپس میں ڈبلز میچ کھیلا۔
پاکستان کے دورے پر موجود آسٹریلین کرکٹرز بائیو سیکیور ببل کی وجہ سے ہوٹل سے باہر تو نہیں نکل رہے لیکن ہوٹل میں رہ کر بھی مہمان کھلاڑی اپنا وقت بھرپور انداز میں گزار رہے ہیں اور یہاں اپنا قیام انجوائے کررہے ہیں۔
پاکستان کیخلاف دوسرے ٹیسٹ کیلئے کراچی میں موجود کھلاڑیوں کو کرکٹ سے وقت ملا تو انہوں نے اپنے ہوٹل میں قائم ٹینس کورٹ کا رُخ کیا اور آپس میں ڈبلز کا میچ کھیلا جس میں اسٹیو اسمتھ اور مارنوس کی جوڑی نے عثمان خواجہ اور ڈیوڈ وارنر کی جوڑی سے مقابلہ کیا۔
مقابلے کی ویڈیوز کھلاڑیوں نے سوشل میڈیا پر بھی جاری کردی۔
پلیئرز نے اس راز سے تو پردہ نہیں اٹھایا کہ کون کس اسکور سے کامیاب ہوا لیکن کرکٹرز نے اپنے ٹینس میں بھی اپنی صلاحیتوں کا خوب مظاہرہ کیا ۔
دوسری جانب آسٹریلوی پلیئرز نے اپنے ٹیم روم میں ورچوئل گالف کا بھی انتظام کیا ہے ۔
واضح رہے کہ پاکستان اور آسٹریلیا کے درمیان دوسرا ٹیسٹ میچ کل کراچی میں کھیلا جائے گا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
