18 مارچ ، 2022 
شاہین آفریدی نے رضوان سے بال کٹوانے کی ویڈیو شیئر کردی
18 مارچ ، 2022
قومی ٹیم کے نوجوان فاسٹ بولر شاہین شاہ آفریدی نے ساتھی کرکٹر محمد رضوان کی جانب سے اپنے بال کاٹنے کی ویڈیو سوشل میڈیا پر شیئر کر دی۔
کچھ روز قبل قومی ٹیم کے کپتان بابر اعظم کا ایک انٹرویو کلپ وائرل ہوا تھا جس میں انہوں نے بتایا تھا کہ قومی ٹیم کے کھلاڑیوں میں محمد حسنین سب سے اچھے بال کٹنگ کرتا ہے۔
اب شاہین شاہ آفریدی نے سوشل میڈیا پر ایک ویڈیو شیئر کی ہے جس میں قومی ٹیم کے وکٹ کیپر بیٹر محمد رضوان ان کے بال کاٹ رہے ہیں۔
سوشل میڈیا پر شیئر کی گئی ویڈیو میں دیکھا جا سکتا ہے کہ شاہین شاہ آفریدی ایک کرسی پر بیٹھے ہیں اور محمد رضوان ان کے بال کاٹ رہے ہیں، شاہین کے جسم پر لپٹے کپڑے پر بال بھی واضح طور پر دیکھے جا سکتے ہیں۔
شاہین شاہ آفریدی نے ویڈیو کے ساتھ ایک کیپشن بھی تحریر کیا جس میں انہوں نے لکھا ہے کہ کیا کوئی ایسی چیز ہے جو یہ (رضوان) نہیں کر سکتا، کراچی ٹیسٹ کے سنچورین اور میچ بچانے والے کی اسکلز کی کوئی حد نہیں ہے۔ قومی ٹیم کے فاسٹ بولر نے بال کاٹنے پر محمد رضوان کا شکریہ بھی ادا کیا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
