وزیراعظم ایماندار ہیں، ان کا ساتھ دینے کیلئے یہی کافی ہے: بلال قریشی

اداکار بلال قریشی نے ملک کی موجودہ صورتحال اور  وزیر اعظم عمران خان کے خلاف اپوزیشن جماعتوں کی تحریک عدم اعتماد لانے پر تبصرہ کیا ہے۔

بلال قریشی نے اپنے انسٹاگرام پر عمران خان کی حمایت کرتے ہوئے اسٹوری پوسٹ کی جس میں انہوں نے لکھا کہ 'میرے وزیر اعظم ایک ایماندار شخص ہیں اور  ان کا ساتھ دینے کے لیے یہ ہی کافی ہے'۔

اداکار نے اپنی اسٹوری میں مزید لکھا کہ 'میں جانتا ہوں کہ عمران خان قوم کو وہ نہیں دے سکے جس کا انہوں نے وعدہ کیا تھا لیکن وہ سخت محنت کررہے ہیں'۔

بلال قریشی کی انسٹا اسٹوری سوشل میڈیا پر وائرل ہوئی تو صارفین نے ملے جلے ردعمل کا اظہار کیا۔

اس سے قبل اداکار منیب بٹ نے بھی وزیر اعظم عمران خان کے اقتدار کے حوالے سے دعویٰ کیا تھا کہ وہ تحریک عدم اعتماد کے باوجود کہیں نہیں جائیں گے۔

عمران خان کہیں نہیں جارہے: اداکار منیب بٹ کا دعویٰ

منیب بٹ نے پاکستان کی موجودہ سیاسی صورتحال پر اظہار خیال کیا ہے

واضح رہے کہ اپوزیشن ارکان کی جانب سے وزیرِ اعظم عمران خان کے خلاف قومی اسمبلی میں تحریکِ عدم اعتماد جمع کرانے کے بعد ان دنوں سیاسی صورتحال کافی گرم ہے۔

 تحریکِ عدم اعتماد پر ن لیگ، پیپلز پارٹی، اے این پی سمیت 86 اراکین کے دستخط ہیں۔

اس حوالے سے جہاں سوشل میڈیا پر وزیراعظم عمران خان کے مخالفین سامنے آرہے ہیں تو وہیں ان کے حمایتی خوب ان کا ساتھ دیتے نظر آرہے ہیں۔