کامران خان کی سوشل میڈیا پر جاری ویڈیو سے متعلق سوال پر وزیراعظم کے قہقہے

وزیراعظم عمران خان سے صحافیوں سے ملاقات میں صحافی کامران خان کی سوشل میڈیا پر جاری ویڈیو سے متعلق سوال کیا گیا جس پر وہ مسکرا دیے۔

وزیراعظم ہاؤس میں وزیراعظم عمران خان سے صحافیوں نے ملاقات کی اور موجودہ سیاسی صورتحال پر گفتگو کی۔ 

حکومت گر گئی تو چپ نہیں بیٹھوں گا: وزیراعظم

کیا چوروں کے دباؤ پر استعفیٰ دے دوں؟ حکومت چھوڑنے کیلئے تیار ہوں لیکن انہیں استعفیٰ نہیں دوں گا، عمران خان کی گفتگو

ملاقات میں وزیراعظم سے صحافی نے سوال کیا کہ کامران خان نے آپ کو تین کام کرنے کے مشورے دیے ہیں، کامران خان نے جنرل فیض کو آرمی چیف نہ لگانے اوربزدار کو ہٹانے کا مشورہ دیا، دو چھو ٹے چھوٹے کام اور بھی ہیں۔

صحافی کے سوال پر وزیر اعظم ہنس دیے اور کہا کہ اور بھی بتائیں کامران خان کیا کیا کہتے ہیں؟

انہوں نے مسکراتے ہوئے کہا کہ کامران خان کو کون بتاتاہے حکومت کو کیا کرنا ہے؟

وزیراعظم کا کہنا تھاکہ میڈیا ہاؤسز کو نواز شریف نے خریداہوا ہے، پاکستان میں لفافہ کلچر نواز شریف لے کر آئے ہیں۔