23 مارچ ، 2022 
سلمان خان کو صحافی سے بدتمیزی کرنے کے الزام میں عدالت نے طلب کرلیا
23 مارچ ، 2022
بالی وڈ سپر اسٹار سلمان خان کو صحافی سے بدتمیزی اور حملہ کرنے کے الزام میں عدالتی سمن جاری کردیا گیا ہے۔
بھارتی میڈیا رپورٹس کے مطابق 2019 میں ایک صحافی نے سلمان خان اور ان کے باڈی گارڈز پر بدتمیزی اور حملے کا الزام لگاتے ہوئے ممبئی کے ایک پولیس اسٹیشن میں ان کے خلاف ایف آئی آر درج کروائی جس کے بعد وہ عدالت پہنچ گیا۔
تاہم منگل کے روز کیس میں پیشرف سامنے آئی جس میں سلمان اور ان کے باڈی گارڈز کے خلاف ممبئی کی اندھیری میٹروپولیٹن کورٹ نے سمن وارنٹ جاری کرتے ہوئے 5 اپریل کو عدالت آنے کا حکم دیا ہے۔
بھارتی میڈیا رپورٹس کے مطابق درج کرائی گئی شکایت کے مطابق، یہ مبینہ واقعہ 24 اپریل 2019 کو پیش آیا۔
صحافی نے درخواست میں دعویٰ کیا کہ وہ ایک کار پر سوار تھے اور اداکار کو سائیکل پر دیکھ کر انہوں نے سلمان کے باڈی گارڈز سے رضامندی لینے کے بعد ویڈیو ریکارڈ کرنا شروع کر دی۔
تاہم اداکار ناراض ہو گئے اور ان کے باڈی گارڈز کار کے پاس آئے اور مارنا شروع کر دیا جبکہ اس دوران سلمان خان نے بھی اپنے محافظوں کے ساتھ مل کر حملہ کیا اور موبائل فون بھی چھین لیا۔
رپورٹس کے مطابق پولیس کی جانب سے اس واقعہ پر مزید کارروائی نہ کرنے پر مذکورہ صحافی نے عدالت سے رجوع کیا تھا۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
اداکارہ ہانیہ عامر نے شاہ رخ خان سے ملاقات کی خواہش کردی
13 نومبر ، 2024
