24 مارچ ، 2022 
کھیل
پاکستان سے سیریز، آسٹریلیا کی وائٹ بال ٹیم پاکستان پہنچ گئی
24 مارچ ، 2022
پاکستان سے تین ون ڈے اور ایک ٹی ٹوئنٹی میچ کی سیریز کے لیے آسٹریلین ٹیم کے کھلاڑی لاہور پہنچ گئے ہیں۔
آسٹریلیا کی وائٹ بال اسکواڈ کے 14 ارکان چارٹرڈ فلائٹ کے ذریعے لاہور پہنچے ہیں۔
لاہور پہنچنے والے کھلاڑیوں میں کپتان ایرون فنچ کے علاوہ سین ایبٹ، جیسن بہرن ڈورف، نیتھن ایلس، بین مکڈرموٹ، بین ڈوارشوئس، مارکس اسٹوئنس اور ایڈم زمپا شامل ہیں جو لاہور ٹیسٹ کے اختتام پر ٹیم کو جوائن کریں گے۔
دونوں ٹیموں کے درمیان وائٹ بال میچز لاہور میں کھیلے جائیں گے، پہلا ون ڈے 29 مارچ کو لاہور میں کھیلا جائے گا۔
