24 مارچ ، 2022 
صحافی سے بدتمیزی کے الزام میں عدالت طلبی، راکھی سلمان کے دفاع میں بول پڑیں
24 مارچ ، 2022
معروف بھارتی اداکارہ راکھی ساونت بالی وڈ سپر اسٹار سلمان خان کے دفاع میں بول پڑیں۔
گزشتہ دنوں بالی وڈ سپر اسٹار سلمان خان اور ان کے باڈی گارڈزکو 2019 میں صحافی سے بدتمیزی اور حملہ کرنے کے الزام میں ممبئی کی عدالت نے 5 اپریل کو طلب کیا۔
تاہم انسٹاگرام لائیو پر راکھی ساونت سے اس واقعے پر سوال کیے جانے پر انہوں نے کہا کہ سلمان کی فلمیں سپر ہٹ ہوئیں، ان کے کروڑوں چاہنے والے ہیں لیکن انہیں زندگی میں خوشیاں نہیں ملیں۔
راکھی ساونت نے کہا کہ سلمان بھی ایک انسان ہے اگر ان سے کوئی غلط برتاؤ کرتا ہے تو انہیں غصہ آ سکتا ہے لیکن مجھے نہیں لگتا کہ کسی کو ان کے خلاف اس وجہ سے مقدمہ کرنا چاہیے۔
سلمان 5 اپریل کو عدالت طلب
بھارتی میڈیا رپورٹس کے مطابق 2019 میں ایک صحافی نے سلمان خان اور ان کے باڈی گارڈز پر بدتمیزی اور حملے کا الزام لگاتے ہوئے ممبئی کے ایک پولیس اسٹیشن میں ان کے خلاف ایف آئی آر درج کروائی جس کے بعد وہ عدالت پہنچ گیا۔
تاہم منگل کے روز کیس میں پیشرفت سامنے آئی جس میں سلمان اور ان کے باڈی گارڈز کے خلاف ممبئی کی اندھیری میٹروپولیٹن کورٹ نے سمن وارنٹ جاری کرتے ہوئے 5 اپریل کو عدالت آنے کا حکم دیا ہے۔
صحافی نے درخواست میں دعویٰ کیا کہ وہ ایک کار پر سوار تھے اور اداکار کو سائیکل پر دیکھ کر انہوں نے سلمان کے باڈی گارڈز سے رضامندی لینے کے بعد ویڈیو ریکارڈ کرنا شروع کر دی۔
تاہم اداکار ناراض ہو گئے اور ان کے باڈی گارڈز کار کے پاس آئے اور مارنا شروع کر دیا جبکہ اس دوران سلمان خان نے بھی اپنے محافظوں کے ساتھ مل کر حملہ کیا اور موبائل فون بھی چھین لیا۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
اداکارہ ہانیہ عامر نے شاہ رخ خان سے ملاقات کی خواہش کردی
13 نومبر ، 2024
