28 مارچ ، 2022 
اہلیہ کا مذاق اڑانے پر تھپڑ کا معاملہ، ول اسمتھ معافی مانگتے ہوئے روپڑے
28 مارچ ، 2022
گزشتہ روز آسکر ایوارڈز کی 94 تقریب میں ہالی وڈ اداکار ول اسمتھ، کامیڈین کرس راک کو تھپڑ مارنے کے معاملے پر معافی مانگتے ہوئے روپڑے۔
آسکر ایوارڈز کی تقریب میں کنگ رچرڈ میں بہترین اداکار کا ایوارڈ حاصل کرنے کے بعد ول اسمتھ نے معافی مانگی۔
غیر ملکی میڈیا کے مطابق ول اسمتھ نے اپنے خطاب میں کہا کہ میں اکیڈمی سے معافی مانگنا چاہتا ہوں، میں نامزد ساتھی امیدواروں سے بھی معافی مانگنا چاہتا ہوں، یہ ایک خوبصورت لمحہ ہے اور میں ایوارڈ جیتنے کی خوشی میں نہیں رو رہا، محبت آپ سے دیوانہ وار کام کرواتی ہے اور مجھے اپنے فن سے بے پناہ محبت ہے‘۔
یاد رہے کہ آسکر کی تقریب کےدوران اداکار کرس راک ایوارڈ دینےاسٹیج پرآئے تھے جس دوران بات کرتے ہوئے انہوں نے ول اسمتھ کی بیوی جاڈا پنکٹ اسمتھ کے سر کے بال جھڑ جانے پرمذاق اڑایا تھا۔
کرس کے مذاق پر اسمتھ اسٹیج پر آئے اورکرس راک کو منہ پر زور دارتھپڑ مار کر چلتے بنے جب کہ تھپڑ کھا کر کرس راک مسلسل جگت بازی میں لگے رہے لیکن اسمتھ اپنی نشست پر بیٹھ کر انہیں برا بھلا کہتے رہے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
