28 مارچ ، 2022 
پاکستان
فوٹو: فائل
پرویزالٰہی کی وزیراعلیٰ پنجاب نامزدگی، علیم خان گروپ کا مشاورت کے بعد جواب کافیصلہ
28 مارچ ، 2022
وزیراعظم عمران خان کی جانب سے چوہدری پرویز الٰہی کو وزیراعلیٰ پنجاب نامزد کرنے کے معاملے پر تحریک انصاف کے علیم خان گروپ نے مشاورت کے بعد جواب دینے کا فیصلہ کیا ہے۔
علیم خان گروپ کے ذرائع کا کہنا ہےکہ وزیراعلیٰ پنجاب کے عہدے کے لیے پرویز الٰہی کی حمایت کرنی ہے یا نہیں اس کا فیصلہ علیم خان کریں گے۔
ذرائع کا کہنا ہے کہ علیم خان نے کل اپنے ساتھیوں سے مشاورت کا فیصلہ کیا ہے جس کے بعد پرویز الٰہی سے متعلق جواب دیا جائے گا۔
خیال رہےکہ وزیراعظم عمران خان نے پرویز الٰہی کو وزارت اعلیٰ پنجاب کے لیے نامزد کردیا ہے اور عثمان بزدار سے استعفیٰ بھی لے لیا گیا ہے۔
