وزیراعظم عمران خان کی قومی اسمبلی میں اکثریت ختم، حکومتی ارکان کی تعداد 142 رہ گئی

حکومت کی اتحادی جماعت متحدہ قومی موومنٹ (ایم کیو ایم) پاکستان کی اپوزیشن میں شمولیت کے بعد وزیراعظم عمران خان کی قومی اسمبلی میں اکثریت ختم ہوگئی ہے۔

 قومی اسمبلی میں اب حکومتی ارکان کی تعداد 142 رہ گئی  ہے،  ان میں پی ٹی آئی کے 133، ق لیگ کے 4، جی ڈی اے کے 3، بی اے پی کا 1 اور عوامی مسلم لیگ کا 1 رکن شامل ہے۔

اپوزیشن ارکان کی تعداد 199 تک جا پہنچی ہے، ان میں مسلم لیگ ن کے 84، پیپلز پارٹی کے 56، ایم کیوایم کے7، ایم ایم اے کے جماعت اسلامی کےایک رکن سمیت 15، بلوچستان عوامی پارٹی کے4، بلوچستان نیشنل پارٹی کے4 اور 4 آزاد ارکان  شامل ہیں۔

ان کے علاوہ مسلم لیگ ق، عوامی نیشنل پارٹی اور جمہوری وطن پارٹی کا بھی ایک ایک رکن شامل ہے۔

خیال رہےکہ تحریک انصاف کے 13 ارکان اعلانیہ منحرف ہوچکے ہیں جب کہ  آج اسلام آباد کے سندھ ہاؤس میں اپوزیشن جماعتوں کے اجلاس میں تحریک انصاف کے کل 22 منحرف اراکین بھی شریک ہوئے تھے۔

سندھ ہاؤس اسلام آباد میں موجود ارکان قومی اسمبلی کی تعداد 199 تک پہنچ گئی

ذرائع کا کہنا ہے کہ سندھ ہاؤس میں تحریک انصاف کے 22 ارکان بھی موجود ہیں

ایم کیو ایم نے تحریک عدم اعتماد پر متحدہ اپوزیشن کی حمایت کا باضابطہ اعلان کردیا

وزیراعظم عددی قوت کھو چکے مستعفی ہوں ، شہباز، پی پی اور ایم کیو ایم نے ہر حال میں مل کر کام کرنا ہے ، بلاول، ہماری تعداد 175 ہوگئی ، فضل الرحمان