پاکستان
31 مارچ ، 2022

اپوزیشن نے نئے وزیراعظم کے انتخاب کیلئے اسمبلی میں درخواست جمع کرادی

ایجنڈے میں وزیراعظم کے انتخاب کو بھی شامل کیا جائے، اپوزیشن کی اسمبلی میں درخواست جمع— فوٹو: فائل
ایجنڈے میں وزیراعظم کے انتخاب کو بھی شامل کیا جائے، اپوزیشن کی اسمبلی میں درخواست جمع— فوٹو: فائل

اپوزیشن نے قومی اسمبلی کے جاری اجلاس کے ایجنڈے میں وزیراعظم کے انتخاب کو بھی شامل کرنے کی درخواست جمع کرادی۔

شازیہ مری ، ایاز صادق اور نوید قمر پر مشتمل اپوزیشن وفد شہباز شریف کی جانب سے لکھی گئی درخواست جمع کرانے اسپیکر آفس آئے تو اسد قیصر دفتر میں موجود نہیں تھے۔

اپوزیشن نے ایڈیشنل سیکرٹری محمد مشتاق کو درخواست جمع کرا ئی۔

درخواست شہباز شریف کی جانب سے لکھی گئی ہے جس میں کہا گیا ہے کہ قومی اسمبلی کے اجلاس کے ایجنڈے میں وزیر اعظم کے انتخاب کو بھی شامل کیا جائے۔

مزید لکھا ہے کہ متحدہ اپوزیشن کی جانب سے قومی اسمبلی اجلاس کی ریکوزیشن جمع کرائی گئی تھی جس میں وزیر اعظم کے خلاف تحریک عدم اعتماد کے ساتھ نئے وزیر اعظم کا چناؤ بھی شامل تھا۔

رولز کے مطابق وزیر اعظم کا دفتر خالی ہونے پر اسمبلی نیا وزیر اعظم منتخب کرتی ہے لہٰذا دونوں ایجنڈا آئٹم کو آرڈر آف دی ڈے میں شامل کیا جائے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM