02 اپریل ، 2022 
شادی سے پہلے جاوید شیخ کیساتھ اہلیہ کے رشتے دیکھتا رہا: بہروز سبزواری
02 اپریل ، 2022
سینئر اداکار بہروز سبزواری نے انکشاف کیا ہے کہ وہ شادی سے قبل خود اپنی اہلیہ کے لیے رشتے دیکھ رہے تھے۔
کچھ روز قبل بہروز سبزواری اپنی اہلیہ کے ہمراہ نجی ٹی وی کے پروگرام میں شریک ہوئے جس میں انہوں نے اپنی ذاتی زندگی کے حوالے سے کئی باتوں کا تذکرہ کیا۔
بہروز سبزواری نے بتایا کہ شادی سے قبل وہ سفینہ کے بھائیوں اداکار جاوید اور سلیم شیخ کے دوست تھے، وہ ان کی فیملی کو اچھی طرح جانتے تھے، وہ ان کے اتنے اچھے دوست تھے کہ انہوں نے سفینہ کو کبھی اہلیہ کی نظر سے نہیں دیکھا تھا۔
اداکار نے بتایا کہ سفینہ سے شادی سے قبل وہ جاوید شیخ کے ہمراہ اہلیہ کے لیے آنے والے رشتے دیکھا کرتے تھے اور ان میں سے کئی رشتوں کو انہوں نے انکار کیا اور بعدازاں ان کی آپس میں ہی شادی کردی گئی۔
دوران پروگرام سفینہ بہروز کا کہنا تھا کہ شادی سے قبل بہروز کے ان کے بھائیوں جاوید اور سلیم شیخ سے اچھے دوستانہ تعلقات تھے جب کہ والد کے ساتھ بھی ان کی اچھی دعا سلام تھی۔
واضح رہے کہ بہروز سبزواری کی اہلیہ سفینہ اداکار جاوید شیخ اور سلیم شیخ کی ہمشیرہ ہیں۔
مزید خبریں :
سوناکشی کو کس اداکار نے بڑی عمر کا کہہ کر فلم سے نکلوایا تھا؟
20 دسمبر ، 2024
