03 اپریل ، 2022 
پاکستان
چوہدری مسعود نے ڈپٹی اسپیکر پنجاب اسمبلی کو استعفیٰ بھیج دیا ہے۔ فوٹو: فائل
نئے وزیراعلیٰ پنجاب کے چناؤ سے قبل پی ٹی آئی کو جھٹکا، رکن اسمبلی مستعفی
03 اپریل ، 2022
رحیم یار خان: تحریک انصاف کے ایم پی اے چوہدری مسعود نے پنجاب اسمبلی کی رکنیت سے استعفیٰ دے دیا۔
چوہدری مسعود نے ڈپٹی اسپیکر پنجاب اسمبلی کو استعفیٰ بھیج دیا ہے۔
چوہدری مسعود لیاقت پور کے حلقہ257 سے پی ٹی آئی کی ٹکٹ پر ایم پی اے منتخب ہوئے تھے۔
چوہدری مسعود کی جانب سے ڈپٹی اسپیکر کو بھیجے گئے استعفے میں کہا گیا ہے کہ حکومت نے میرے حلقے کو نظر انداز کیا اور ترقیاتی کاموں میں رکاوٹ ڈالی گئی۔
یاد رہے کہ پنجاب اسمبلی میں آج نئے وزیراعلیٰ کا چناؤ بھی ہو رہا ہے جس کے لیے چوہدری پرویز الٰہی اور حمزہ شہباز کے درمیان سخت مقابلہ متوقع ہے۔
