03 اپریل ، 2022 
پاکستان
نئےگورنر پنجاب عمر سرفراز چیمہ نے عہدےکا حلف اٹھالیا
03 اپریل ، 2022
تحریک انصاف کے رہنما عمر سرفراز چیمہ نے بطور گورنرپنجاب اپنے عہدےکا حلف اٹھا لیا، چیف جسٹس لاہور ہائی کورٹ محمد امیر بھٹی نے ان سے حلف لیا۔
حلف برداری کی تقریب گورنر ہاؤس لاہور میں ہوئی جس میں وزیراعلیٰ پنجاب عثمان بزدار، چیف سیکرٹری اور آئی جی پنجاب سمیت دیگر نمایاں شخصیات نے بھی شرکت کی۔
خیال رہےکہ عمر سرفراز چیمہ کو چوہدری محمد سرور کی جگہ گورنرپنجاب مقرر کیا گیا تھا۔
