عمران خان کی وزیراعظم ہاؤس چھوڑتے وقت کی ویڈیو وائرل

گزشتہ روز  قومی اسمبلی میں تحریک عدم اعتماد کی کارروائی کا آغاز ہوتے ہی عمران خان نے رات کے اندھیرے میں وزیراعظم ہاؤس چھوڑ دیا تھا۔

عمران خان کے وزیر اعظم ہاؤس چھوڑنے کا علم وفاقی وزراء کو تو نہ ہوسکا تاہم اس دوران ایک ویڈیو وائرل ہوگئی۔

وائرل ویڈیو میں ایک ہیلی کاپٹر کو وزیراعظم ہاؤس کے اوپر سے گزرتے دیکھاجا سکتا ہے جس سے متعلق کہا جا رہا ہے کہ یہ ویڈیو عمران خان کے وزیراعظم ہاؤس چھوڑتے اور بنی گالہ روانہ ہوتے وقت کی ہے۔

بتایا جارہا ہے کہ عمران خان نے  بنی گالا روانگی سے پہلے وزیراعظم ہاؤس کے عملے سے ملاقات کی جبکہ سابق وزیراعظم کے جاتے ہی ان کا ذاتی اسٹاف بھی وزیر اعظم ہاؤس سے چلا گیا تھا۔

خیال رہے کہ گزشتہ روز قومی اسمبلی میں وزیراعظم عمران خان کے خلاف تحریک عدم اعتماد کامیاب ہوگئی جس کے بعد عمران خان ملک کے وزیراعظم نہیں رہے اور ساتھ ہی عدم اعتماد کے ذریعے ہٹائے جانے والے ملک کے پہلے وزیراعظم بن گئے۔ 

عمران خان جاتے جاتے اپنے وزراء کو بڑا سرپرائز دےگئے

وفاقی وزراء عمران خان سے ملنے پی ایم ہاؤس پہنچے تو پتا چلا کہ اب یہاں کوئی نہیں ہے

عمران خان وزیراعظم ہاؤس سے بنی گالا روانہ ہوگئے

عمران خان کا ذاتی اسٹاف بھی وزیر اعظم ہاؤس سے روانہ ہوگیا ، عمران خان کے پرنسپل سیکرٹری اعظم خان بھی وزیر اعظم ہاؤس سے روانہ ہوگئے