12 اپریل ، 2022 
پاکستان
پہلے دن ہی نومنتخب وزیراعظم شہبازشریف 8 بجے دفترپہنچ گئے/ فوٹو (ن) لیگ سوشل میڈیا
شہباز شریف صبح 8 بجے دفتر پہنچ گئے، وزیراعظم ہاؤس کے عملے کی دوڑیں لگ گئیں
12 اپریل ، 2022
اسلام آباد: وزیراعظم شہباز شریف نے وزیراعظم ہاؤس میں دفتری اوقات صبح 8 بجے سے شروع کردیے۔
ذرائع کے مطابق پہلے دن ہی نومنتخب وزیراعظم شہبازشریف 8 بجے دفترپہنچ گئے لیکن اس وقت وزیراعظم ہاؤس کا عملہ ڈیوٹی پر نہیں پہنچا تھا تاہم صبح سویرے وزیراعظم شہبازشریف کی آمد پر پی ایم ہاؤس عملے کی دوڑیں لگ گئیں۔
ذرائع کاکہنا ہےکہ وزیراعظم شہبازشریف کی ہدایت پر دفتری اوقات صبح 8 بجےکردیے گئے ہیں جب کہ وزیراعظم کے پرنسپل سیکرٹری توقیرشاہ نے بھی اپنے عہدے کا چارج لےکر کام شروع کردیا۔
علاوہ ازیں وزیراعظم شہباز شریف اپنے اہلخانہ کے ساتھ وزیراعظم ہاؤس منتقل ہوگئے ہیں۔
