12 اپریل ، 2022 
سلمان بٹ نے چیئرمین پی سی بی کو آڑے ہاتھوں لے لیا
12 اپریل ، 2022
پاکستان کرکٹ ٹیم کے سابق ٹیسٹ کپتان سلمان بٹ نے چیئر مین پی سی بی رمیز راجہ پر تنقید کرتے ہوئے کہا ہے کہ نئی حکومت کے آنے کے بعد استعفیٰ دینے کے حوالے سے اب کس بات کا انتظار ہے۔
سلمان بٹ نے اپنے ایک بیان میں رمیز راجہ کو آڑےہاتھوں لیتے ہوئے کہا کہ دورہ بنگلا دیش کے دوران چیئرمین پی سی بی نے کپتان بابراعظم کو ویڈیو کال کی اور کہا کہ مجھے پچ دکھاؤ۔
انہوں نے کہاکہ یہ چیئرمین پی سی بی کی ڈرامے بازی اور رنگبازی ہے، انہوں نے آخر اب تک کام کیا کیا ہے؟
سابق ٹیسٹ کرکٹر نے کہا کہ ڈپارٹمنٹ کرکٹ ختم کر کے کھلاڑیوں کو پارٹ ٹائم کرکٹر بنادیا ہے۔
ان کا کہنا تھا کہ عمران خان کو ڈپارٹمنٹ کرکٹ کی بحالی کے حوالے سے میں نے آرٹیکل بھی لکھ کر بھیجے ، انہوں نے ضرور پڑھے ہوں گے لیکن وہ سمجھتے ہیں کہ مجھ سے زیادہ کسی کو معلوم نہیں۔
سلمان بٹ نے مزید کہا کہ پاکستان میں صرف کرکٹ کا ہی مستقبل ہے، قومی کھیل ہاکی ہے اور بچوں کو کسی ایک قومی ہاکی کھلاڑی کا نام بھی نہیں پتا۔
ان کا کہنا تھا کہ نئی حکومت کے آنے کے بعد ڈومیسٹک کھلاڑی اس اُمید پر ہیں کہ ڈپارٹمنٹ کرکٹ واپس آئے گی۔
مزید خبریں :
سابق بھارتی کرکٹر کی طبیعت خراب، اسپتال میں داخل
3 گھنٹے پہلے
’چیتا‘ قرار دیدیا، بابراعظم بھی اوپنر صائم ایوب کے مداح ہوگئے
23 دسمبر ، 2024
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
