بھارت میں ماہ رمضان میں ہندو انتہا پسندوں نے مسجد شہید کردی

بھارت میں ہندو تہوار کے موقع پر انتہا پسندوں نے مختلف ریاستوں میں مسلمانوں پر حملے شروع کردیے۔

رپورٹس کے مطابق انتہاپسند جتھوں کی جانب سے  ہندو تہوار کے موقع پر گشت کے دوران مساجد، مزارات اور مسلمانوں کی املاک پر حملہ کیا گیا۔

اس کے علاوہ ریاست پردیشں میں ہندو ریلی پر پتھراؤ کا الزام لگا کر سرکار نے کئی مسلمانوں کے گھر گرادیے اور ایک مسجد بھی شہید کردی۔

بھارت میں مسلم دشمنی عروج پر، ہندو انتہاپسند نے مسجد کی چھت پر چڑھ کر ہندوتوا کا پرچم لہرا دیا

سوشل میڈیا پر وائرل ویڈیو میں دیکھا جا سکتا ہے کہ ایک انتہا پسند ہندو مسجد کی چھت پر چڑھا ہوا ہے اور اس نے ہاتھ میں ہندوتوا کا جھنڈا بھی پکڑ رکھا ہے۔

دوسری جانب گجرات میں فسادات کے ڈر سے مسلمانوں نے نقل مکانی شروع کردی  ہے۔

خیال رہے کہ بھارت میں ہندو انتہا پسندوں کی جانب سے مسلمانوں اور دیگر مذاہب کی عبادت گاہوں کی بے حرمتی میں مسلسل اضافہ ہوتا جا رہا ہے۔

اس سے قبل بھارتی ریاست راجستھان میں 4 اپریل کو ہندو بلوائیوں کی بڑی تعداد نے ضلع کرولی میں مسلمانوں کی املاک کو نقصان پہنچایا، گاڑیوں کی توڑ پھوڑ کی اور گھروں کو نذر آتش کر دیا تھا۔